يمكن أضحك !!

فرحني ..
يمكن أفرح ..
يمكن أضحك ..
يمكن أطلع م اللي أنا فيه ..
فرحني ..
...يمكن أحلم ..
يمكن أغير ..
يمكن أقول اللي مخبيه ..

ضحكني ...
يمكن أضحك ..
يمكن أفرح ..
يمكن أطلع م اللي أنا فيه ..
ضحكني ..
يمكن أحلم ..
يمكن أغير ..
يمكن أقول اللي مخبيه ..

مش يمكن لسه الدنيا جميلة بجد ..
ولسه الناس في الصيف والبرد ..
ولسه الورد ..

مش جايز يطلع فيا العيب مش فيك ؟!

زغزغني ..
يمكن أصحى و أقول بالبلدي وأقول بالفصحى ..
أياك ترجع تسكت تاني تقوللي مافيش ..

زغزغني يمكن ينفع أرجع أسمع دقة قلبي تاني وأعيش !!

!!

فاكر أول مرة إتكلمنا فيها عن الكتب ؟؟

ساعتها كنت لسه مخلصة الكتاب بتاع "رحاب بسام"  .. وانت كنت بتقرا "تقارير السيدة راء" بتاع رضوى عاشور .. 

انت عارف انا قريت "ارز بلبن لشخصين " كام مرة من ساعتها ؟؟

انت عارف اني كل لما أقرأ في "السيدة راء" مش باقدر أكمل ؟!!

البداية

بعد فحص ومحص وتمحيص و حاجات كتير آخرها ص ,, إكتشفت الآتي :

انا لازم أكتب بقى ..كل الناس بتكتب وأنا العيّلة الوحيدة ..
شكلي وحش قدام شعوب الأرض المحبة للسلام ..:'(

بقالي كده بتاع 8 أو 9 سنين باحاول أفهم هما بيعملوا إيه عشان يكتبوا ؟؟
و إليكم عصارة التمحيص والمراقبة للناس اللي -ما شاء الله- بيكبوا كويس .. 

وقد لاحظنا إنك لازم :

- تكتب جمل مالهاش دعوة ببعض  ،

- تحط نقط كتيير بين الجمل ،

- كل شوية 3 أو 4 علامات تعجب ،

- جملة من أغنية أو شعر مش كتيير بيفهموه  .. منير ، علي سلامة ، أو جاهين مثلا .. ،

- تعد تكتب "انت" و "هو" .. "هي" .. إديني في الضماير كلها بقى ،

- لازم عنوان غريب محدش ياخد باله انت مختاره ليه غير في الآخر !

أنا وصلت للنقاط السحرية دي من يجي سنتين كده !! .. ومن ساعتها وانا باحاول أكتب أي حاجة !!!

بس أنا خلاص .. قررت .. انت هاتغني يا منعم .. ;)

ومش هاسمح بأي تعليق غير 

(واااااااو إيه الجمال ده .. انت مابتكتبيش من زمان ليه ؟؟ ) (طريقتك حلوة أوي) (منى ,, انت فظيييييعة ) و شوية سمايليز كده حلويين .. مش عاوزين الكلام الفاضي بتاع الآراء والنقض البناء ده .. دول أعداء النجاح يا جماعة D;